Чибәркәй

Авылыбызда бер чишмә бар,
Шул чишмәгә йөгреп төштем.
Бер чибәрнең юлын бүлеп,
Чиләгеннән суын өчтем.

Чиләкләре аллы-гөлле,
Көянтәләре зәңгәр.
Сулар да ташытмас идем,
Минеке булса әгәр.

Алсу таңда кошлар сайрый,
Сандугачлар туй итәдер.
Ал чиләкле бу чибәркәй
Кем бәхетенә җитәдер?

Чиләкләре аллы-гөлле,
Көянтәләре зәңгәр.
Сулар да ташытмас идем,
Минеке булса әгәр.

Чишмә буена тик йөреп
Үземә тиң яр таптым.
Ничек үзеңә әйтергә?
Шул чибәркәйне яраттым.

Чиләкләре аллы-гөлле,
Көянтәләре зәңгәр.
Сулар да ташытмас идем,
Минеке булса әгәр.