Добавлено cas382 в СБ, 27/05/2023 - 23:42
Хатын-кыз ул, гаилә учагын,
Сүндермичә саклап тотучы.
Иргә — хатын, балаларга — әни,
Фәрештәдәй саклап торучы.
Хатын-кыз йөрәген, эретә алсаң,
Димәк, анда сиңа урын бар.
Аны тыңла, аңла, кадерен бел,
Һәр сүзенә ит син игътибар.
Газаплама юк-бар сәбәп табып,
Көнләшүне кертмә тормышка.
Кирәкмәгән гаеп эзләүләрең,
Әйләнмәсен сары сагышка.
Хатын-кыз йөрәген, эретә алсаң,
Димәк, анда сиңа урын бар.
Аны тыңла, аңла, кадерен бел,
Һәр сүзенә ит син игътибар.
Синең тормышыңда булган өчен,
Рәхмәтле бул,бары рәхмәтле.
Бер-береңне аңлап гомер итү,
Бу дөньяда шунсы кыйммәтле.
Хатын-кыз йөрәген, эретә алсаң,
Димәк, анда сиңа урын бар.
Аны тыңла, аңла, кадерен бел,
Һәр сүзенә ит син игътибар.