Добавлено tatassr в СР, 31/05/2023 - 14:22
Хәлләрең ничек? Сәлам, сәлам…
Сер бирмисең син дә, беләм.
Горур атлап узып китәм,
Сират күперләрен үтәм.
Ә урамда яз исергән
Шомыртларның хуш исеннән.
Язмышларны бәйләмәсә
Бу язларны мин кичермәм.
Хәлләрең ничек? Сәлам, сәлам…
Эчтән елыйм, тыштан көләм.
Язны көтеп-көтеп арам,
Тагын ялгыз кереп барам.
Ә урамда яз исергән
Шомыртларның хуш исеннән.
Язмышларны бәйләмәсә
Бу язларны мин кичермәм.
Бәхетлеләр пар-пар йөри,
Безнең бәгырь утта көйри.
Бер сүздән дә җаннар эри,
Күңел уртак бәхет тели.
Ә урамда яз исергән
Шомыртларның хуш исеннән.
Язмышларны бәйләмәсә
Бу язларны мин кичермәм.