Сары алма

Көзнең көләч бер көнендә
Пәрәвезгә уралып,
Җиләк-җимеш бакчабызда
Йөрим уйлар уйланып.

Минем көзге җимешем син,
Сары алмам, алтыным;
Хәзинәмнең иң олысы,
Өмет итмим артыгын.

Исемеңне кушкан идем
Алмагачның берсенә —
Алмалары алтын-сары
Төскә кергән, күрсәнә!

Бердәнберем, җимешем син,
Сары алмам, алтыным;
Хәзинәмнең иң олысы,
Өмет итмим артыгын.

Кышлар җитеп, көмеш белән
Күмелсә дә җир өсте;
Өстәлемне һәрчак бизәр
Алманың алтын төсе.

Бердәнберем, җимешем син,
Сары алмам, алтыным;
Хәзинәмнең иң олысы,
Өмет итмим артыгын.

Ваша оценка: Нет Рейтинг: 10 (2 голоса)
Бу җыр репертуарында бар
« »