Дога кылам (беренче вариант)

Укый белмәсәм дә, дога кылам,
Рәхмәтемне әйтеп Аллага.
Көчле итеп тудырганы өчен
Шушы сихри, фани дөньяга.
Укый белмәсәм дә, дога кылам,
Шөкерана кылып тормышка.
Рәхмәтлемен исән булганыма,
Ходай биргән шушы язмышка.

Бисмилламны әйтеп, юлга чыгам,
Җил-давылларына карамый.
Өмет итүчегә булышамын,
Кем ул булуына карамый.
Зар еламыйм , авырлыклар килсә,
Эчтән сыкрасам да, тыштан мин тын.
Беләм, чөнки сабыр булу кирәк,
Сабырлыкның төбе — сары алтын.