Син иң татлы сөю җиләгем

Ярсып килгән язлар иде,
Күзләреңдә назлар иде,
Ак томаннар төсле таралды.
Мәхәббәтнең алсу күге,
Сөю көткән күңел түре
Көнчел сүзләр белән каралды.

Хәтердә ул айлы кичләр,
Йөгәнсез ат — татлы хисләр,
Икәү өздек сөю җиләген.
Сиңа әйтер сүзләрем бар,
Моңнарыма дөньялар тар,
Кире какма язмыш бүләген.

Учагыбыз әле яна,
Йөрәкләргә ялкын сала,
Бергә булу — минем теләгем.
Сагыш утларында янам,
Яннарыңа кабат барам,
Син иң татлы сөю җиләгем.

Ваша оценка: Нет Рейтинг: 10 (2 голоса)
Бу җыр репертуарында бар
« »