Яралы канат

Көяз җил үпкән кызыл раузалар
Сөйгәнен көтеп җырлый таңнарда:
“Ник теләмәдең, йөрәк бәгырем,
Мәхәббәт гөле серен аңларга?”

Кызыл раузалар — сөю билгесе,
Кызыл раузалар — күңел көзгесе.
Кызыл раузаны карлар каплаган,
Яралы канат ишен тапмаган.

Хис-тойгылардан энҗеләр тезеп,
Кызыл раузалар кояшка бага.
Иң саф өметен томаннар саргач,
Чәчәк таҗыннан чык-яшьләр тама.

Кызыл раузалар — сөю билгесе,
Кызыл раузалар — күңел көзгесе.
Кызыл раузаны карлар каплаган,
Яралы канат ишен тапмаган.

Назга тилмергән кызыл раузалар
Таҗларын ачып көтә таңнарда.
Сандугач моңын урлаган кәккүк,
Аерылу җырын суза талларда…

Кызыл раузалар — сөю билгесе,
Кызыл раузалар — күңел көзгесе.
Кызыл раузаны карлар каплаган,
Яралы канат ишен тапмаган.