Солдатлар (икенче вариант)

Өчпочмаклы солдат хаты булып,
Әбиемнең яши үткәне.
Хәтерли ул кош теледәй хатны
Яу кырыннан өз(е)леп көткәнен.

Яшәү тыны, өмет, саг(ы)ну булып,
Килгән хатлар, очкан җаваплар.
Газизләре хатын калкан итеп,
Ут эченә кергән солдатлар.

Сугыш урлый солдат бабаемны,
Бик көтсә дә әбием кайтканын.
Тик хат күрә толлык ачысының,
Кайнар яшьләр булып акканын.

Яшәү тыны, өмет, саг(ы)ну булып,
Килгән хатлар, очкан җаваплар.
Газизләре хатын калкан итеп,
Ут эченә кергән солдатлар.

Еллар үтү белән укый-укый,
Таушалса да хатның юллары.
Гомер буе ата сүзе иде
Тәрбияли әбием улларын.

Яшәү тыны, өмет, саг(ы)ну булып,
Килгән хатлар, очкан җаваплар.
Газизләре хатын калкан итеп,
Ут эченә кергән солдатлар.