Үз туксаның

Үзең матур, үзең чибәр,
Тик сәер гадәтең бар.
Үз туксаның — туксан синең,
Синең янда дөнья тар.

Үз туксаның тукый-тукый,
Тукымаң тузар инде.
Мин-мин — диеп, күкрәк төеп,
Гомерең узар инде.

Һәрнәрсәгә үз фикерең,
Үзеңнекен бирмисең.
Дөреслекне аңласаң да,
Ялгышканмын — димисең.

Үз туксаның тукый-тукый,
Тукымаң тузар инде.
Мин-мин — диеп, күкрәк төеп,
Гомерең узар инде.

Бәлки шулай кирәктер дә,
Үз сүзеңдә торырга…
Ләкин ничек синең белән,
Матур тормыш корырга…

Ваша оценка: Нет Рейтинг: 1 (1 голос)
Бу җыр репертуарында бар
« »