Мине танырсыңмы син, иркәм

Таң җиленә сөйлим серләремне,
Серләремне чишәм җилләргә.
Син җилләрдән сора хәлләремне,
Сәлам юлла миңа җилләрдән.

Мине танырсыңмы син, иркәм —
Таң җилләре булып мин иссәм.

Очкан кошның язып канатына
Хат җибәрсәм — барып җитәрме?
Агым суга салсам сагышымны —
Сагышларым агып җитәрме?

Тәрәз ачарсыңмы син, иркәм —
Кошлар булып очып мин килсәм.

Гөлбакчага керсәм, сукмаклардан
Эзләп йөрим синең эзләреңне.
Гөлләр арасында зәңгәр чәчәк
Хәтерләтә синең күзләрне.

Сиңа дип белерсең син, иркәм —
Гөлләрне яратып баш исәм.