Бирмә мине

Бирмә мине беркемгә дә,
Калканым бул, яуса ут.
Мәхәббәтне бүлгәләргә
Беркемнең дә хакы юк.

Тибрәт сөю бишегендә
Күңел сазларың белән.
Бәйлә мине йөрәгеңә
Кайнар назларың белән.

Гөлләр булып сокландыр да
Күңелемне хәйран ит.
Көзләремне язлар ит син,
Кышларымны җәйләр ит.

Тибрәт сөю бишегендә
Күңел сазларың белән.
Бәйлә мине йөрәгеңә
Кайнар назларың белән.

Бирмә мине беркемгә дә,
Бирмә хәтта үлемгә.
Сокландыр гел, ашкындыр гел,
Йолдызлар сип күңелгә.

Ноты для песни: