Иң матур җырым

Сахраларда ялгыз йөргән чакта,
Хәйраннарга калып тыңладым мин
Тургайлар җырын.
Аңладым мин шул чагында:
Син икәнсең,
Тик син генә
Иң назлы җырым.

Гөрләвекләр гөрләп аккан чакта,
Ташкын суга карап тыңладым мин
Ярсу яз җырын.
Аңладым мин шул чагында:
Син икәнсең,
Тик син генә
Иң матур җырым.

Алсу таңнар сызылып аткан чакта,
Ярларына басып тыңладым мин
Чишмәләр җырын.
Аңладым мин шул чагында:
Син икәнсең,
Тик син генә
Иң моңлы җырым.

Ноты для песни: