Мин сагындым тавышыңны,
Сагындым сүзләреңне,
Сагындым гөлдәй керфекле
Сөйкемле күзләреңне.
Әллә синең тавышыңны
Сандугач алды микән?
Сүзләрең гөл арасында
Адашып калды микән?
Кушымта:
Гөлдәй керфекле күзләрең,
Сагышка күмелдеме?
Миңа киләсе сукмагың
Томанга төрелдеме?
Мин сагындым тавышыңны,
Сагындым сүзләреңне,
Сагындым гөлдәй керфекле
Сөйкемле күзләреңне.
Сандугачлар тавышыңны
Кайтарып бирер микән?
Гөлләр синең тавышыңны
Миңа җиткерер микән?
Кушымта:
Гөлдәй керфекле күзләрең
Сөеп карарлар микән?
Миңа килер сукмаклардан
Томан таралыр микән?
Ноты для песни:
Добавлено Динәкәй в ВС, 29/10/2023 - 17:57
«
»