Өздерепләр курай уйнадың, син,
Моңга тулды Зәй-Су буйлары.
Кемне шулай сагынып эзләдең син,
Зар елатып болын-кырларны?
Өздерепләр курай уйнадың син,
Күңелемне сагыш-моң сарды.
Курай тавышы тынды, ә йөрәктә
Мәңге сүнмәс серле моң калды.
Өздерепләр курай уйнадың син,
Еракларга китеп югалдың.
Таң җилләре булып кайта көн дә
Син калдырган курай моңнары.
Өздерепләр курай уйнадың син,
Тирә ягым моңга уралды.
Истәлегең булып, гомерлеккә
Кабатланмас моңлы җыр калды.
Ноты для песни:
Добавлено Динәкәй в ВС, 29/10/2023 - 19:42
«
»