Күккә карыйм: айны, йолдызларны
Күргәнем бар күпме мәртәбә,
Әйтерсең лә, кемдер юмартланып,
Алтын сипкән зәңгәр хәтфәгә.
Җиргә карыйм: төнге Идел өсте
Көннәр көнләшерлек яп-якты.
Казан җәйгән ука толымнарын.
Шул күренеш мине йоклатмый.
Бер-берсенә гүя кысылышып
Җемелдәгән Казан утлары.
Төннәр буе керфек какмый утырып,
Санасаң да, булмас чутлары.
Варианты песни
Бу җыр Венера Ганиева репертуарында бар
Добавлено Динәкәй в ВС, 29/10/2023 - 20:56
«
»