Җимешем

Категория: Авторлары

Ярый әле син бар бәхетемә
Бизәр өчен күңел күгемне.
Сагыш баскан авыр көннәремдә
Сөйләр өчен йөрәк серемне.
Ярый син бар әле бу дөньяда
Минем хәлләремне белүче.
Кайгы килгән чакта бәгыремә
Кем урталай аны бүлүче.

Ярый әле, ярый син бар әле
Өмешемә тигән көмешем.
Язмышымның серле бакчасында
Минем өчен үскән җимешем.

Ярый тормышымда син очрадың
Булыр өчен гомер юлдашым.
Яшәүнең кызыгы булмас иде
Әгәр син булмасаң, җанашым.
Ярый әле син бар бәхетемә
Бизәр өчен күңел күгемне.
Сагыш баскан авыр көннәремдә
Сөйләр өчен йөрәк серемне.

Ярый әле, ярый син бар әле
Өмешемә тигән көмешем.
Язмышымның серле бакчасында
Минем өчен үскән җимешем.

Ваша оценка: Нет Рейтинг: 7 (1 голос)
Бу җыр , репертуарында бар
« »