Мәхәббәт көянтәсе

Калды бит әле, калды бит
«Яратам» дип әйтәсе.
Иңнәремдә элеп калды
Мәхәббәт көянтәсе,
Мәхәббәт көянтәсе.

Иңнәрдә калды эленеп,
Кайда соң чиләкләре?
Сөюнең бер йотым судай
Бар икән кирәкләре.

Барасы калды чишмәгә,
Пар чиләкләрне тагып.
Безнең мәхәббәт чишмәсе
Бетмәгән әле агып,
Бетмәгән әле агып.

Иңнәрдә калды эленеп,
Кайда соң чиләкләре?
Сөюнең бер йотым судай
Бар икән кирәкләре.