Бар да кала (икенче вариант)

Бер көн килеп, туктап куйса әгәр
Гомер сәгатеңнең уклары…
Бар да кала җирдә өелешеп,
Бикләнәләр кайту юллары.

Бар да кала, байлык-малың кала,
Кала эшләнмәгән эшләрең.
Кала вакытында якыннарга
Әйтелмәгән җылы сүзләрең.

Шөкер кылып яшик булганына,
Раббым биргән безгә барысын.
Аяк-куллар, күрер күзләр биргән,
Сабырлыкның биргән зурысын.

Бар да кала, байлык-малың кала,
Кала эшләнмәгән эшләрең.
Кала вакытында якыннарга
Әйтелмәгән җылы сүзләрең.

Нәфесләрне алга җибәрмичә,
Риза булып яшик барына,
Онытмыйча барып басасыңны
Бер заманны Раббым каршына.

Бар да кала, байлык-малың кала,
Кала эшләнмәгән эшләрең.
Кала вакытында якыннарга
Әйтелмәгән җылы сүзләрең.