Йөрәк (өченче вариант)

Үткән көннәр үтеп киткән инде,
Тик аларны йөрәк сагынмас.
Сөйгәнеңне үзгәрткән тормышны
Шелтәләмә инде тагын да.

Ә син, йөрәк, кан яше түгеп,
Кылларыңда сагыш көйлисең.
Сүнгән учакларны кабызырга
Әллә ялкын эзләп көйрисең…

Катлаулыга корылган шул дөнья,
Туктап тормый вакыт бер тын да.
Елгаларны кире борып була,
Тик борылмас гомер юлың да.

Ә син, йөрәк, кан яше түгеп,
Кылларыңда сагыш көйлисең.
Сүнгән учакларны кабызырга
Әллә ялкын эзләп көйрисең…

Теләгеңне телгәлә дә ташла
Язын ярсып аккан ташкынга.
Көч тап, йөрәк, талгын тибә башла,
Сагышлардан ярсып шашынма.

Ә син, йөрәк, кан яше түгеп,
Кылларыңда сагыш көйлисең.
Сүнгән учакларны кабызырга
Әллә ялкын эзләп көйрисең…

Ваша оценка: Нет Рейтинг: 7.5 (2 голоса)
Бу җыр репертуарында бар
« »