Ком бураны котырып уйнап китте

Мин яраттым, ләкин сатылмадым,
Ник соң усал сүзләр ишетәм?
Мин бит әле һаман ватылмадым,
Салкын җилләр керә ишектән.

Ком бураны котырып уйнап китте,
Тутыргалап төз(е)гән тормышны.
Тәрәзәмә вак ташларын сипте,
Вакланмадым, әле тырышмын,
Вакланмадым, әле тырышмын.

Кар бөртеге кунгач кулларыма
Эри, чөнки җаным сүнмәгән.
Төрле бәндә очрый юлларымда,
Усаллыкка күңелем күнмәгән.

Ком бураны котырып уйнап китте,
Тутыргалап төз(е)гән тормышны.
Тәрәзәмә вак ташларын сипте,
Вакланмадым, әле тырышмын,
Вакланмадым, әле тырышмын.

Көнләшәмен язлар яфрагыннан,
Җәй паласын җәйгән җиреннән.
Көнләшәмен көзләр туфрагыннан,
Эзлим дәва көнче җиреннән.

Ком бураны котырып уйнап китте,
Тутыргалап төз(е)гән тормышны.
Тәрәзәмә вак ташларын сипте,
Вакланмадым, әле тырышмын,
Вакланмадым, әле тырышмын.

Ваша оценка: Нет Рейтинг: 8 (2 голоса)
Бу җыр репертуарында бар
« »