Яшәгез мәхәббәттә

Мәхәббәт дигән бу сүзгә сыйган бар җиһан,
Без бит иркәм бу дөньяга бәхеткә туган.
Әйтә торган сүзләрем бар тик сиңа гына,
Сабыр итеп бүлдермичә тик тыңла гына.

Йолдыз булып балкыйсың таңымда,
Нурлар булып кабындың җанымда.
Бары сиңа багышлыйм җырларым,
Сиңа алып барырлар юлларым.

Әкият тылсымы бардыр бу мәхәббәттә,
Ярата белгән йөрәкләр ул мәрхәмәттә.
Яратып-сөеп яшәргә язсын гомергә,
Җан яраткан ярлар белән бергә гомергә.

Йолдыз булып балкыйсың таңымда,
Нурлар булып кабындың җанымда.
Бары сиңа багышлыйм җырларым,
Сиңа алып барырлар юлларым.