Синсез яшәү миңа нигә?

Ялгызыма чәчкә язлар
Калдырдың да киттең нигә?
Алданыр да чәчкәләргә,
Сагынмас дидең мәллә?

Синсез язлар миңа нигә?
Синсез язлар миңа нигә?
Сагынуларым сагышларга
Әйләнә дә кабат килә.

Кәккүк саный әкрен генә,
Көннәремне бәйләп төнгә.
Йөрәк елый өнсез генә,
Җәйләр килгәч синсез генә.

Синсез җәйләр миңа нигә?
Синсез җәйләр миңа нигә?
Сагынуларым сагышларга
Әйләнә дә кабат килә.

Дөньяларым ялгын алган,
Сагышларда янсам, янам.
Синсез генә сине көтеп,
Мин көзләрдә инде калам.

Синсез яшәү миңа нигә?
Синсез яшәү миңа нигә?
Сагынуларым сагышларга
Әйләнә дә кабат килә.