Күңел өчен

Күңел өчен бер елмаю җитә,
Күңел күтәрелә, беләсең.
Уртак елмаюдан кызык табып,
Дөньяң онытылып көләсең.

Кушымта:
Күңел өчен бер җылы сүз җитә,
Шул сүздән бит эреп китәсең.
Җылы сүзне, назлы карашны да
Беләм инде һәркем көтәсен.

Күңел өчен сөйгән кеше кирәк
Хыял диңгезендә йөздергән.
Авыр чакта янда терәк булып,
Елаганда булсын көлдергән.

Кушымта:

Күңел өчен булсын әле эшең:
Җан теләгән, уңай, файдалы.
Бөек үрләр яулар өчен максат
Кую кирәк, шуны аңла әле.

Кушымта:

Күңел өчен барсы кирәк безгә,
Канәгатьлек кирәк кешегә.
Җаның тыныч, күзләр серле балкып
Торган чакта, күңел, көрсенмә.

Кушымта: