Синең өчен (җиденче вариант)

Йөрәккәем әрнеп яна,
Искә төшә үткәннәр,
Икәү бергә узган минутлар.
Бәхет тулы күңелләрдә,
Бер кайгысыз ул көннәр,
Мин синеке булган вакытлар.

Синең өчен бу гомергә
Мин килгәнмен мәңгегә.
Шуңа күрә минем өчен
Дөньяда син бер генә.

Тик без хәзер аеры,
Икебез ике якта,
Сары сагыш тулы күңелдә.
Бер-беребезне аңлап,
Сөюебезне саклап
Кала алмадык шул гомергә.

Синең өчен бу гомергә
Мин килгәнмен мәңгегә.
Шуңа күрә минем өчен
Дөньяда син бер генә.

Искә төшә ямьле җәйләр,
Бергә узган вакытлар,
Кайтарып булмый шул аларны.
Синнән башка авыр миңа,
Бер яме юк дөньяның,
Аңла инде, бәгърем, син шуны.

Синең өчен бу гомергә
Мин килгәнмен мәңгегә.
Шуңа күрә минем өчен
Дөньяда син бер генә.