Күңелемдә наз гына (Наз гына)

Бергә үткән юллар гел күңелле,
Бергә чакта якты көннәрем.
Син булганга гына чәчәк ата
Күңелемдә бәхет гөлләре.

Сөеп багам синең күзләреңә,
Күзләреңдә бары наз гына.
Син янымда булган чакларымда
Күңелемдә бары яз гына.

Кулларымны алмам кулларыңнан,
Үткән чакта тормыш юлларын.
Синең исем генә телләремдә,
Синең хакта гына уйларым.

Сөеп багам синең күзләреңә,
Күзләреңдә бары наз гына.
Син янымда булган чакларымда
Күңелемдә бары яз гына.

Торган саен күбрәк гашыйк булып,
Синең өчен яшим җан атып.
Бәхетебез гел елмаеп торыр
Яшәсәк гел шулай яратып.

Сөеп багам синең күзләреңә,
Күзләреңдә бары наз гына.
Син янымда булган чакларымда
Күңелемдә бары яз гына.