Исән чакта кадерләрен белик,
Газиз әнкәйләрне хөрмәтлик.
Мәрхәмәтле, изге йөрәкләрен
Сөю назы белән бүләклик.
Газиз әнкәйләрнең күңелендә
Чишмә булып ага изгелек.
Моңлы бәхет ни дип сорасалар —
"Балам" диеп әйтер иң элек.
Исән чакта кайтыйк яннарына,
Шатландырып әнкәй күңелен.
Сагыш уты көйдермәсен иде
Газиз әнкәйләрнең бәгырен.
Газиз әнкәйләрнең күңелендә
Чишмә булып ага изгелек.
Моңлы бәхет ни дип сорасалар —
"Балам" диеп әйтер иң элек.
Кулларының тоеп җылылыгын,
Күзләренә карап туйганчы,
Исән чакта кадерләрен белик,
Әнкәйләрнең күң(е)ле булганчы.
Газиз әнкәйләрнең күңелендә
Чишмә булып ага изгелек.
Моңлы бәхет ни дип сорасалар —
"Балам" диеп әйтер иң элек.
Бу җыр Гөлүсә Ахунова репертуарында бар
Добавлено tatassr в ПТ, 02/08/2024 - 11:00
«
»