Җилфер-җилфер җил искәндә (икенче вариант)

Җилфер-җилфер җил искәндә
Тарама чәчләреңне.
Таң ата да сыз(ы)лып-сызылып,
Саг(ы)нам сине өз(е)леп-өзелеп,
Белмисең хәлләремне.

Җилфер-җилфер җилләр дәва
Йөрәк ярсуларыма.
Ал булмамын, гөл булмамын,
Тик ятларга күз салмамын,
Син булсаң яннарымда.

Язлары яздай булмады,
Җәйләре салкын булды.
Канат кага сайрар кошлар,
Базы^* буенда аккошлар…
Аңларсың хәлләремне…
Канат кага сайрар кошлар,
Базы буенда аккошлар…
Аңларсың хәлләремне…

/ ^*Базы — Башкортостандагы елга, Агыйделнең сул кушылдыгы /