Чаллыга мәдхия

Кая барсам очып кайтам,
Сагынудан, туган калам.
Урамыңда — ак каеннар
Мин алардан илҺам алам.

Чаллым, диеп бер җырласам,
Күңелләрем китә тулып.
Синдә яшәү олы бәхет
Бер кадерле балаң булып.

Ак йортларың — ачык йөзең,
Тәрәзләрең таңга бага.
Чаллым, көмеш чишмәләрең
Сине данлап, челтерәп ага.

Чаллым, диеп бер җырласам,
Күңелләрем китә тулып.
Синдә яшәү олы бәхет
Бер кадерле балаң булып.

Тыңлап торам мәчетләрдән
Моңлы азан ишетелә.
Урамнарны нурга күмеп
Уйный-көлә туйлар килә.

Чаллым, диеп бер җырласам,
Күңелләрем китә тулып.
Синдә яшәү олы бәхет
Бер кадерле балаң булып.