Йөрәк сагышы (икенче вариант)

Сизми калдым гомеремнең
Акрын гына үткәнен.
Белмим нигә шулай сине
Гомерем буе көткәнмен?

Гомер шулай үтә икән,
Көннәрен санап-санап.
Күзләремне талдырамын
Синең кайтыр юлга карап.

Гомер ага сулар кебек,
Туктатып булмый агышын.
Төзәлмәслек яра булып
Калдың, йөрәк сагышым.

Гомер шулай үтә икән,
Көннәрен санап-санап.
Күзләремне талдырамын
Синең кайтыр юлга карап.

Үткән юлларыңа карап,
Күпме яшьләр түккәнмен.
Белмим нигә шулай сине
Гомерем буе көткәнмен?

Гомер шулай үтә икән,
Көннәрен санап-санап.
Күзләремне талдырамын
Синең кайтыр юлга карап.