Хыяллардан канат үреп,
Әллә нигә якын күреп,
Төрле яктан җыелганбыз шушы шәһәргә.
Беркем көтеп тормаса да,
Язмыш безне сынаса да,
Куркып калмадык, өйрәндек гөрләп яшәргә!
Ни дисәк тә, ни дисәк тә,
Кайлардан гына килсәк тә,
Шәп яшибез бит әле.
Бердәм булыйк, бергә булыйк,
Аерылмыйк, аерылмыйк,
Без авыл егетләре.
Уфтанмадык, зарланмадык,
Бер эштән читтә калмадык,
Шәһәр безне якын итте әллә шуңамы.
Бөтенесенә дә түзә,
Авыл йөрәге шул бездә,
Балачактан ял күрмәгән авыл куллары.
Ни дисәк тә, ни дисәк тә,
Кайлардан гына килсәк тә,
Шәп яшибез бит әле.
Бердәм булыйк, бергә булыйк,
Аерылмыйк, аерылмыйк,
Без авыл егетләре.
Шатлыкларны уртак итеп,
Кайгы килсә бергә кичеп,
Гомер итик, әй егетләр, хәлләр белешеп.
Өйләребез балкып торсын,
Юлдашыбыз бэхет булсын,
Бездән башка яши алмас шәһәр берничек.
Ни дисәк тә, ни дисәк тә,
Кайлардан гына килсәк тә,
Шәп яшибез бит әле.
Бердәм булыйк, бергә булыйк,
Аерылмыйк, аерылмыйк,
Без авыл егетләре.
