Соңлама (икенче вариант)

Бәйрәм белән котлыйм, әнкәй, диеп,
Почта аша өч сүз юллама.
Авыр булса булсын юл газабы,
Хәл белеп кил кайтып, соңлама.

Мәхрүм калма әнкәң догасыннан,
Аз-маз күчтәнәчләр юлла да.
Ашыгыч хәбәр алсаң, авыр булыр, авыр булыр,
Исән чакта кайт син, соңлама.

Һәрберебез әле әни кадерен
Белә ала микән дөньяда.
Күң(е)леңдәге изге хисләреңне
Сөйлә аңа кайтып, соңлама.

Мәхрүм калма әнкәң догасыннан,
Аз-маз күчтәнәчләр юлла да.
Ашыгыч хәбәр алсаң, авыр булыр, авыр булыр,
Исән чакта кайт син, соңлама.

Йөзендәге тирән буразнаның
Кайсылары лаек сиңа да.
Кытыршы кулларның той ләззәтен,
Кочагына сыен, соңлама.

Мәхрүм калма әнкәң догасыннан,
Аз-маз күчтәнәчләр юлла да.
Ашыгыч хәбәр алсаң, авыр булыр, авыр булыр,
Исән чакта кайт син, соңлама.