Акыллы да, тырыш та ул үзе,
Беләм аны бала чагыннан.
Шушы егет бүген саубуллашып
Китеп бара туган ягыннан.
Мине тыңлап кына борылмассың,
Китәм диеп шулай җыенгач.
Үкенерсең әле киткәнеңә,
Тузып юкка чыккан нигезеңә,
Абынып барып, талып кайтып егылгач.
Минем янда калыр улым диеп,
Әнисе бит яңа өй салган.
Шул ананың бердәнбере бит син,
Чит җирләрдә сиңа ни калган.
Мине тыңлап кына борылмассың,
Китәм диеп шулай җыенгач.
Үкенерсең әле киткәнеңә,
Тузып юкка чыккан нигезеңә,
Абынып барып, талып кайтып егылгач.
Борылып кара туган нигезеңә,
Хәтереңә төшер үткәнне.
Китәм дисең, егет, белмисең шул
Чит җирләрдә ниләр көткәнен.
Мине тыңлап кына борылмассың,
Китәм диеп шулай җыенгач.
Үкенерсең әле киткәнеңә,
Тузып юкка чыккан нигезеңә,
Абынып барып, талып кайтып егылгач.
