Утыр әле, әни, яннарыма

Утыр әле, әни, яннарыма,
Бер сөйләшик әле туйганчы.
Сөйлә, әни, сөйлә хәлләреңне,
Тыңлыйм әле күңел булганчы.

Кулларыңны кулларыма алыйм,
Тойыйм әле синең җылыңны.
Башкаемны иңнәреңә куйып,
Тыңлыйм әле моңлы җырыңны.

Утыр әле, әни, яннарыма,
Бер бушатыйм әле күңелне.
Син янымда булган чакта миңа
Шундый рәхәт, шундый күңелле.

Кулларыңны кулларыма алыйм,
Тойыйм әле синең җылыңны.
Башкаемны иңнәреңә куйып,
Тыңлыйм әле моңлы җырыңны.

Утыр әле, утыр яннарыма,
Сузыйк әле моңлы көйләрне.
Рәхәтләнеп икәү җырлыйк әле,
Читкә куеп барлык эшләрне.

Кулларыңны кулларыма алыйм,
Тойыйм әле синең җылыңны.
Башкаемны иңнәреңә куйып,
Тыңлыйм әле моңлы җырыңны.