Теләк (дүртенче вариант)

Үтмәс кебек тоелса да,
Яшьлек ул мизгел генә.
Башкаларга китеп бара
Синсез һәм минсез генә.

Күңелдәгесен әйтмисең,
Мин аны каян белим.
Син миңа нәрсә телисең —
Мин сиңа шуны телим.

Ямьсезлек болай да күп бит,
Матур сүз генә дәшим.
Һәр минутның, һәр мизгелнең
Кадерен белеп яшик.

Күңелдәгесен әйтмисең,
Мин аны каян белим.
Син миңа нәрсә телисең —
Мин сиңа шуны телим.

Шулкадәр матур дөньяны
Чүп белән тәмсезләмик.
Бергә чаклар бик матур бит,
Юктан да ямьсезләнмик.

Күңелдәгесен әйтмисең,
Мин аны каян белим.
Син миңа нәрсә телисең —
Мин сиңа шуны телим.