Авылым чишмәләре

И авылым, чишмәләрең,
Әйтерсең сеңелләрем.
Кушылып челтерәр идем,
Белсәм әгәр телләрен.

Бу чишмәләр суын эчкән
Күпме асыл ир-егет
Кай илләрдә баш куйды икән,
Кан-яшь түгеп тилмереп? ..

Мин дә киттем авылымнан,
Баштан ниләр кичмәгән?
Ятып елаган шикелле
Агып калды чишмәләр …

Кайтсам, моңаеп калгансың,
Авылым, ни хәлләрең?
Кайталмаган улларыңны
Сагынадыр чишмәләрең …