Алан җиләге

Җиләкле алан, аланда ялан,
Җиләк тәлгәшләре кебек үстегез, балам.
Җиләкле алан тау итәгендә,
Тау-тау хәсрәтләрем,
Сез дип бар итәгемдә.

Алан, алан, алан җиләкле,
Нигә өзә икән шулай бала йөрәкне?!
Балам, балам, балам, теләгем —
Бәхеткәйләрегез булсын алан җиләге.

Җиләкле алан, җиләккә барам,
Җиләккә барам, яңгырга калам.
Яңгырга калам, яшенгә калам,
Яшенле яңгырлар кебек,
Балам дип янам.

Алан, алан, алан җиләкле,
Нигә өзә икән шулай бала йөрәкне?!
Балам, балам, балам, теләгем —
Бәхеткәйләрегез булсын алан җиләге.

Бала чаклар ул — җиләк чаклар ул,
Әти кулында, әни кулында.
Гомер кыска да, гомер озын да,
Ныклы булсыннар балалар
Тормыш юлында.

Алан, алан, алан җиләкле,
Нигә өзә икән шулай бала йөрәкне?!
Балам, балам, балам, теләгем —
Бәхеткәйләрегез булсын алан җиләге.