Иссәләр дә кырыс җилләр — сыгылма,
Син бит исән! Син бит көчле! Егылма!
Сынауларны үтеп чыксаң, жиңеп чыксаң,
Якты көннәр барыбер килер, борчылма.
Дуслар сине ташласа да — уфтанма,
Язмыш сине тукмаса да — сыкранма.
Якын иткән сине ташламас, ташламас,
Юллар чатларында калдырмас.
Күз астыңа сукса язмыш — бирешмә,
Язмыш минем шулдыр инде дип килешмә.
Соңгы көчең жый да алга бар, алга бар,
Жимерелсен таулар, ташлар, кыялар.
Дуслар сине ташласа да — уфтанма,
Язмыш сине тукмаса да — сыкранма.
Якын иткән сине ташламас, ташламас,
Юллар чатларында калдырмас.
Язмышыңның кара син күзенә,
Ышан бары тик үзеңнең көчеңә.
Тешләреңне кысып түз, торып бас!
Бер абынган башка абынмас, абынмас!
Дуслар сине ташласа да — уфтанма,
Язмыш сине тукмаса да — сыкранма.
Якын иткән сине ташламас, ташламас,
Юллар чатларында калдырмас.
