Таң булып атар идем

Күңелемдә соңгы йолдыз,
Хыялымда соңгы яр,
Бердәнберем, сөюең сагынып,
Кабыналар йолдызлар.

Кояш булып батуларым,
Таң булып атуларым.
Үкенечкә булыр микән
Син дип җан атуларым?

Ак томаннарга уралып,
Хыялымның кырларында
Күңелемнең өметен уятып,
Кердең син җырларыма.

Кояш булып батуларым,
Таң булып атуларым.
Үкенечкә булыр микән
Син дип җан атуларым?

Төшләремдә син калсын дип,
Уяналмый ятар идем.
Кояш булып кичен батар идем,
Таң булып атар идем.

Кояш булып батуларым,
Таң булып атуларым.
Үкенечкә булыр микән
Син дип җан атуларым?
Кояш булып батуларым,
Таң булып атуларым.
Үкенечкә булыр микән
Син дип җан атуларым?..