Сөям дидең, вәгъдә бирдең,
Кочагыма килеп кердең.
Белмәдең син сөюемнең
Давыл кебек көчлелеген.
Ялкын утын җил алдырмый,
Ялган сөю эз калдырмый.
Җаным димә, тия күрмә —
Яндырырмын.
Шәмле кичләр, ялган хисләр
Үттеләр шул, үтте инде.
Күңелемнең кылларына
Кагылмыйча киттең инде.
Ялкын утын җил алдырмый,
Ялган сөю эз калдырмый.
Җаным димә, тия күрмә —
Яндырырмын.
Бу дөньяда, адашкандай,
Бер ялгызың тилмерерсең.
Бәхетеңне югалтканга
Үкенерсең, үкенерсең.
Ялкын утын җил алдырмый,
Ялган сөю эз калдырмый.
Җаным димә, тия күрмә —
Яндырырмын.
Бу җыр Гүзәл Әхмәтова репертуарында бар
Добавлено tatassr в ПТ, 18/10/2024 - 21:29
«
»