Яшисең килеп яшә (икенче вариант)

Гөлгә тиң бу гомерләрне
Бушка уздырмыйк әле.
Һәр мизгелдән бәхет табып
Рәхәттә яшик әле.

Мәчет манараларыннан
Моң булып азан дәшә.
Ходай биргән гомерләрне
Яшисең килеп яшә.

Һәр көн иртән шатлык теләп
Кояш елмая күктә.
Җырлап яшисе гомерләр
Үтсен әле бәхеттә.

Мәчет манараларыннан
Моң булып азан дәшә.
Ходай биргән гомерләрне
Яшисең килеп яшә.

Җәннәт кебек балкып торсын
Бу түгәрәк тормышлар.
Матур узсын, эзләр салсын
Ходай язган язмышлар.

Мәчет манараларыннан
Моң булып азан дәшә.
Ходай биргән гомерләрне
Яшисең килеп яшә.