Югалырсың кебек

Өмет белән керәм көзләремә —
Табылырсың кебек.
Сиздермичә килеп чәчләремә
Кагылырсың кебек,
Кагылырсың кебек…

Сөю гөлләреннән күпер үрәм —
Юл алырсың кебек.
Юк! Кирәкми! Куркам… Тапсам — кабат
Югалырсың кебек.

Эзләремә минем элеккечә
Табынырсың кебек.
Моңнарыма кушам сагышымны —
Сагынырсың кебек,
Сагынырсың кебек…

Сөю гөлләреннән күпер үрәм —
Юл алырсың кебек.
Юк! Кирәкми! Куркам… Тапсам — кабат
Югалырсың кебек.

Урманнарга керсәң минем белән —
Абынырсың кебек.
Һәм тезләнеп дөнья каршысында
Табынырсың кебек.

Сөю гөлләреннән күпер үрәм —
Юл алырсың кебек.
Юк! Кирәкми! Куркам… Тапсам — кабат
Югалырсың кебек.

Ваша оценка: Нет Рейтинг: 8 (1 голос)
Бу җыр репертуарында бар
« »