Яңа елның төне тылсымлы

Яңа елның төне тылсымлы —
Сихри көмеш нурга коена.
Киләчәккә илтер юлларга
Ак чәчәктәй карлар коела.

Яңа елның яңа карлары
Йомшак кына ява, сак кына.
Яңа елның яңа карыннан
Дөнья көлә, дөнья яктыра.

Яңа елның төне тылсымлы,
Чынбарлыкка ашсын теләкләр.
Җитәкләшеп атлыйк таңнарга,
Бергәләшеп типсен йөрәкләр.

Яңа елның яңа карлары
Йомшак кына ява, сак кына.
Яңа елның яңа карыннан
Дөнья көлә, дөнья яктыра.

Яңа елның төне тылсымлы,
Серле булып утлар кабына.
Балачактан килгән әкият
Җыя безне чыршы янына.

Яңа елның яңа карлары
Йомшак кына ява, сак кына.
Яңа елның яңа карыннан
Дөнья көлә, дөнья яктыра.