Күңелләрдә безнең ак хыял,
Ашкындырып тора гел алга.
Тапланмаслык булсын гомергә,
Лаек юллар сайлыйк хыялга.
Ак хыяллар ап-ак канатлы,
Күтәрсен ул гел-гел югары.
Кошлар юлы белән янәшә
Узсын безнең гомер юллары.
Хыялларга итмик хыянәт,
Бар хыяллар — яшьлек юлдашы.
Яктылыгы белән саклансын
Гомер таңы — безнең юл башы.
Күңелләрдә безнең ак хыял,
Ашкындырып тора гел алга.
Тапланмаслык булсын гомергә,
Лаек юллар сайлыйк хыялга.
Добавлено tatassr в СБ, 09/11/2024 - 17:41
«
»