/«Кызлар күңеле — тирән сер» спектакленнән/
Өзелә үзәгем, өзелә,
Кайлардан табыйм соң дәвалар?
Сулышым кагылса гөлләргә,
Гөлләр дә ялкынлап яналар.
Өзелә үзәгем, өзелә,
Йолдызлары сүнде күгемнең.
Кайда соң яп-якты көннәрем,
Ник гамьсез бер сабый түгелмен?
Өзелә үзәгем, өзелә,
Хыялның каерылды канаты…
Нигә соң язмышым күз-яшьнең
Ачысын, тозлысын яңартты?
Добавлено tatassr в СБ, 09/11/2024 - 18:28
«
»