Йөрәк җыры (өченче вариант)

Чит җилләрдән искән җилләр белән
Килә һаман богау чыңнары.
Ерткычларча хөкем сүзе итеп,
Йөрәк җырлый нәфрәт җырлары.

Азатлыкны яулап кан коялар
Күп илләрнең егет-кызлары.
Шушы батырларга куәт өстәп,
Йөрәк җырлый сөю җырлары.

Ватанымның аяз күген иңләп,
Бөек таңның балкыр нурлары.
Кешелекнең бәхет бишегенә
Йөрәк җырлый данлау җырлары!

/Шигыре 1949-нчы, җыры 1950-нче елда язылган. Җырчылар репертуарына 1970-нче елларда керә/

Ноты для песни: