Икәү түгел шул җаным

Гомер елларым агымсу,
Менә таң атты тагын.
Таңнар саен күңелкәем
Сагына туган ягын.

Дус-ишләрем, күршеләрем,
Туган-тумачаларым,
Берсен сезгә юллар идем,
Икәү түгел шул, җаным.

Төшләремдә туган якка
Армый-талмый юл салам.
Йөресәм дә еракларда
Уемда сездә калам.

Дус-ишләрем, күршеләрем,
Туган-тумачаларым,
Берсен сезгә юллар идем,
Икәү түгел шул, җаным.

Туган ягым белән уртак,
Йөрәктә изге каным.
Сезнең белән үтсә иде
Һәрбер туасы таңым.

Дус-ишләрем, күршеләрем,
Туган-тумачаларым,
Берсен сезгә юллар идем,
Икәү түгел шул, җаным.