Көзнең матурлыгы алмада

Категория: көе сүзләре

Тупырдап алма коела
Җил исеп киткән саен —
Көзнең бөтен матурлыгы
Алмададыр, мөгаен…

Алдым, каптым — ал икән шул,
Эче тулы бал икән —
Кабынмастай булсаң гына
Сылуга күз сал икән!

Кабынмассың! — Яшьлеккә мең
Янгын сыенып тора —
Кошлар очып үткәнгә дә
Алма коелып тора!

Алдым, каптым — ал икән шул,
Эче тулы бал икән —
Кабынмастай булсаң гына
Сылуга күз сал икән!

Таңга табан әкрен генә
Йолдызлар бетте сүнеп…
Хуш исле авыр алманы
Икәү ашадык бүлеп.

Алдым, каптым — ал икән шул,
Эче тулы бал икән —
Кабынмастай булсаң гына
Сылуга күз сал икән!

Ваша оценка: Нет Рейтинг: 8.3 (6 голосов)
« »