Бәхетле язмыш

Тормыш сәер: насыйп ярың
Тия дә өлешеңә,
Әйләнә ул бу дөньяда
Иң кадерле кешеңә.

Насыйп ярым, балаларым
Гомеремнең агышы.
Шул буладыр хатын-кызның
Бәхет тулы язмышы.

Мин яраткан ярым биргән
Рәхмәтем кайнанама.
Тигез-тату яшәү рәхәт
Бу өч көнлек дөньяда.

Насыйп ярым, балаларым
Гомеремнең агышы.
Шул буладыр хатын-кызның
Бәхет тулы язмышы.

Биргәненә мең шөкер дип,
Канәгать язмышымнан.
Өй түрләре нурга тула
Балалар тавышыннан.

Насыйп ярым, балаларым
Гомеремнең агышы.
Шул буладыр хатын-кызның
Бәхет тулы язмышы.