Дөньяларда ай-кояш бар, ай-кояш,
Дөньяларда ниләр бар, дип, кил сораш,
Дөньяларда таптым сагыш, таптым моң,
Әти җаным, киңәшергә инде соң.
Минем яну-көюләрне ни басыр,
Безнең алда күрешүләр ни гасыр?
Дөньяларда таптым сагыш, таптым моң,
Әти җаным, киңәшергә инде соң.
Дәрья чиге коеп куйган кыядыр,
Нечкә күңел җан-рухларны тоядыр,
Дөньяларда таптым сагыш, таптым моң,
Әти җаным, киңәшергә инде соң.
Юк өсте дә, юк асты — тирән икән,
Бер керәм дә, бер чыгам димә икән,
Сыкрансам да кайчан, әй, дәрья, диеп,
Язмыш баса, бу үзең, дөньяң, диеп.
Дөньяларда таптым сагыш, таптым моң,
Әти җаным, киңәшергә инде соң.
Ноты для песни:
Бу җыр Айдар Фәйзрахманов, Римма Ибраһимова репертуарында бар
Добавлено tatassr в ПТ, 20/12/2024 - 10:15
«
»