Тирән дә син, киң дә, әй чал Идел,
Күз җитмәслек ерак ярларың;
Анда элек даулар, яулар иде,
Ил елатты түрә-ханнарың…
Башка инде безнең заман,
Балкый ярда азат, шат Казан.
Идел, Идел, туклык елгасы,
Зур туганлык, дуслык елгасы.
Идел суы — уртак суө ашша
Казан Мәскәү белән тоташа.
Болытларга очам хыялларда;
Күңел бит ул очар кош сыман.
Буровойлар күр(е)нә еракларда:
Офыкларны сарган ак томан.
Хыял көче илтми кайларга,
Ракеталар оча айларга.
Канат биреп безне күтәрә
Партиябез биек күкләргә!
Туган илем гаҗәп юл аша
Планеталар белән тоташа.
Күтәреләм Ослан тауларына —
Көзге булып балкый Иделем;
Шул көзгедә минем алларымда
Күренгәндәй була киң илем.
Республикам — туган җирем син,
Биләвем син, бишегем минем син;
Туган йорты эшчән татарның,
Бер улы син газиз Ватанның.
Ильич юлы — бөек юл аша
Бар халыклар бергә туплаша.
Варианты песни
